Make your own free website on Tripod.com
ຍິນ​ດີ​ຕ້ອນ​ຮັບ​ສູ່​ເວັບ​ພາ​ສາ​ລາວ​
| ກັບ​ຄືນ​ ເວັບ​ໜ້າ​ທໍາອິດ | ລະ​ບົບ ແລະ​ຊອບ​ແວ​ທີ່​ໃຊ້ | ການ​ສ້າງ Folder/Directory | ການ​ນໍາ​ເອົາ​ຮູບ​ພາບ​ເຂົ້າ​ໃສ່​ໜ້າ​ເວັບການ​ສ້າງ​ແຖບ​ຫົວ​ຂໍ້​/ເມ​ນູ ການ​ສ້າງ​ການ​ເຊື່ອມ​ຕໍ່ |
  ບໍ່ມີ​ໃຜ​ຈະ​ຢູ່​ຄໍ້າ​ຟ້າ​, ມີ​ພຽງ​ຄຸນ​ງາມ​ຄວາມ​ດີ​ເທົ່າ​ນັ້ນ ທີ່​​ຄົນ​ລຸ້ນ​ຫຼັງ​ຈະ​ຈາ​ລຶກ​ໄວ້​ຕະ​ຫຼອດ​ໄປ.
  ການ​ເມືອງ ​ມັກ​ຖືກ​ໃຊ້​ໄປ​ໃນ​ທາງ​ທີ່​ຜິດ​ຄື​: ໃຊ້​ເປັນ​ເຄື່ອງ​ມື​ເພື່ອ​ຮັກ​ສາ​ອໍາ​ນາດ ຂອງ​ຜູ້​ທີ່​ຄອບ​ຄອງ​ອໍານາດ ຫຼື​ຖືກ​ໃຊ້​ເປັນ​ເຄື່ອງ​ມື​ເພື່ອ​ຢຶດ​ເອົາ​ອໍາ​ນາດ ຂອງ​ຜູ້​ທີ່​ສະ​ແຫ​ວງ​ຫາ​ອໍາ​ນາດ.
   ຜົນ​ຈາກ​ການ​ໃຊ້​ການ​ເມືອງ ​ໄປ​ໃນ​ທາງ​ທີ່​ຜິດ​ ເຮັດ​ໃຫ້​ບຸກ​ຄົນ ທີ່​ບໍ່​ມີ​ສ່ວນ​ກ່ຽວ​ຂ້ອງ​ໄດ້​ຮັບ​ຄວາມ​ເຈັບ​ແສບ ຍ້ອນ​ກາຍ​ເປັນ​ເສັ້ນ​ທາງ​ໃຫ້​ບຸກ​ຄົນ​ອື່ນ​ ຢຽບ​ຍໍ່າ​ເພື່ອ​ກ້າວ​ໄປ​ສູ່​ອໍາ​ນາດ.
  ມີ​ໃຜ​ຮູ້​ແດ່​ບໍ່​ວ່າ​, ໜ້າ​ທີ່​ແທ້​ຈິງ​ຂອງ​ການ​ເມືອງ​ຄື ເຮັດ​ໃຫ້​ຄົນ​ຮູ້​ຈັກ​ສິດ ແລະ​ໜ້າ​ທີ່​ຂອງ​ຕົນ​ໃນ​ສັງ​ຄົມ​ ໃນ​ຖາ​ນະ​ທີ່​ເປັນ​ສ່ວນ​ປະກອບ​ໜຶ່ງ​ຂອງ​ສັງ​ຄົມ.
  ຖ້າ​ຄຶດ​ວ່າ​ສິ່ງ​ທີ່​ກໍາ​ລັງ​ເຮັດ​ ແມ່ນ​ເພື່ອ​ຜົນ​ປະ​ໂຫຍດ​ຂອງ​ຄົນ​ສ່ວນ​ໃຫຍ່​, ໃຫ້​ດໍາ​ເນີນ​ການ​ເຮັດ​ໄປ​ໂລດ ໂດຍ​ບໍ່​ຕ້ອງ​ສົນ​ໃຈ​ຄໍາ​ຄັດ​ຄ້ານ​ທ້ວງ​ຕິງ​ ຂອງ​ໃຜ; ແຕ່​ຕ້ອງ​ໃຈ​ກ້​ວາງ​ພໍ ທີ່​ຈະຍອມ​ຮັບ​ໃນ​ຜົນ​ທີ່​ຕາມ​ມາ ຊຶ່ງ​ອາດ​ຖືກ​ປະ​ນາມ​ກົ່ນ​ດ່າ​ວ່າ​ເປັນ​ທໍ​ລະ​ລາດ ຫຼື​ອາດ​ຖືກ​ຍ້ອງ​ຍໍ​ຊົມ​ເຊີຍ​ວ່າ​ເປັນ​ວິ​ລະ​ຊົນ.
  ຢ່າໄດ້​ຄຶດ​ພຽງ​ແຕ່​ເຂົ້າ​ຂ້າງ​ຕົນ​ເອງ​ວ່າ​ ບໍ່​ມີ​ເຮົາ​ຈັກ​ຄົນ​ໜຶ່ງ​, ບ້ານ​ນີ້​-ເມືອງ​ນີ້ ຈະ​ຕົກ​ຕໍ່າ​ລົງ​ໄປ​ ແຕ່​ໃຫ້​ລອງ​ຄຶດ​ກັບ​ປີ້ນ​ເບີ່ງ​ວ່າ ບໍ່​ມີ​ເຮົາ​ຈັກ​ຄົນ​ໜຶ່ງ​, ແຜ່ນ​ດິນ​ນີ້ ຈະ​ສູງ​ຂື້ນ​ຈັກ​ຂໍ້​ມື?
  ຊີວິດ​ເຮົາ​ແມ່ນ​ມີ​ຄຸນ​ຄ່າ​, ຢ່າ​ປ່ອຍ​ໃຫ້​ຕາຍ​ຖິ້ມ​ລ້າ ໃນ​ທ້ອງ​ຖະ​ໜົນ.            

ການ​ສ້າງ​ການ​ເຊື່ອມ​ຕໍ່​

    ໜ້າ​ເວັບ​ຕ່າງໆ ບໍ່​ອາດ​ປາ​ສະ​ຈາກ​ການ​ເຊື່ອມ​ຕໍ່ ທີ່​ອະ​ນຸ​ຍາດ​ໃຫ້​ຜູ້​ເຂົ້າ​ມາ​ຢ້ຽມ​ຊົມ ເຕັ້ນ​ໄປ​ຫາ​ໜ້າ​ໃດ​ໜ້າ​ໜຶ່ງ​ທີ່​ເຂົາ​ເຈົ້າ​ສົນ​ໃຈ. ໜ້າ​ທີ່​ເຕັ້ນ​ໄປ​ຫາ​ນີ້ ບໍ່​ໄດ້​ຖືກ​ຈຳ​ກັດ​ວ່າ ຈະ​ຕ້ອງ​ຢູ່​ໃນ​ເວັບ​ໄຊ​ທີ່​ກຳ​ລັງ​ຢ້ຽມ​ຊົມ ແຕ່​ຫາກ​ສາ​ມາດ​ຢູ່​ເວັບ​ໄຊ​ໃດໆ​ກໍ່​ໄດ້​ໃນ​ອິນ​ເຕີ​ເນັດ.
    ການ​ເຊື່ອມ​ຕໍ່ ບໍ່​ພຽງ​ແຕ່​ຖືກ​ໃຊ້​ໃນ​ການ​ເຕັ້ນ​ໄປ​ຫາ​ໜ້າ​ເວັບ​ອື່ນໆ​ເທົ່າ​ນັ້ນ ແຕ່​ຍັງ​ຖືກ​ໃຊ້ ເພື່ອ​ໃຫ້​ດຳ​ເນີນ​ການ​ຢ່າງ​ໃດ​ຢ່າງ​ໜຶ່ງ ເຊັ່ນ​ໃຫ້​ດາວ​ໂຫຼດ​ໄຟລ໌, ໃຫ້​ສົ່ງ​ຂໍ້​ຄວາມ (ໃນ​ກະ​ດານ​ເວັບ), ໃຫ້​ເປີດ​/ປິດ​ເພງ​ປະ​ກອບ​ຂອງ​ໜ້າ​ເວັບ,  ແລະ​ອື່ນໆ ຊຶ່ງ​ແລ້ວ​ແຕ່​ການ​ກຳ​ນົດ​ຂອງ​ຜູ້​ສ້າງ​ໜ້າ​ເວັບ​ນັ້ນໆ.
    ໂດຍ​ທົ່ວໆ​ໄປ​ແລ້ວ, ພວກ​ເຮົາ​ຈະ​ເຫັນ​ການ​ເຊື່ອມ​ຕໍ່​ຕ່າງໆ ໃນ​ແຖບ​ຫົວ​ຂໍ້, ໂດຍ​ສະ​ເພາະ​ໃນ​ແຖບ​ເມ​ນູ ຊຶ່ງ​ເມື່ອ​ຄລິກ​ໃສ່, ຈະ​ມີ​ເມ​ນູ​ຍ່ອຍ​ເລື່ອນ​ລົງ​ມາ ເພື່ອ​ໃຫ້​ເຮົາ​ເລືອກ​ເອົາ​ເມ​ນູ​ຍ່ອຍ​ທີ່​ຕ້ອງ​ການ; ເມ​ນູ​ຍ່ອຍ​ທີ່​ເລືອກ ຈະ​ໄປ​ດຳ​ເນີນ​ການ​ສິ່ງ​ໃດ​ສິ່ງ​ໜຶ່ງ ຫຼື​ເຕັ້ນ​ໄປ​ຫາ​ໜ້າ​ເວັບ​ໃດ​ເວັບ​ໜຶ່ງ​ທີ່​ຜູ້​ສ້າງ​ເວັບ​ກຳ​ນົດ​ໄວ້. ນອກ​ຈາກ​ນີ້, ຜູ້​ສ້າງ​ເວັບ​ສ່ວນ​ຫຼາຍ, ຍັງ​ນິ​ຍົມ​ສ້າງ​ການ​ເຊື່ອມ​ຕໍ່​ຢູ່​ໃນ​ຕາ​ຕະ​ລາງ​ດ້ານ​ຊ້າຍ​ມີ, ໂດຍ​ໃຊ້​ຮູບ​ພາບ​ແທນ​ຕົວ​ໜັງ​ສື ຫຼື​ອາດ​ສ້າງ​ການ​ເຊື່ອມ​ຕໍ່​ອີກ​ຊຸດ​ໜຶ່ງ​ຢູ່​ລຸ່ມ​ສຸດ​ຂອງ​ໜ້າ​ຈໍ ເພື່ອ​ອຳ​ນວຍ​ຄວາມ​ສະ​ດວກ​ໃຫ້​ຜູ້​ທ່ອງ​ເວັບ ບໍ່​ຕ້ອງ​ເສຍ​ເວ​ລາ​ເລື່ອນ​ໜ້າ​ຈໍ​ຂື້ນ​ມາ​ດ້ານ​ເທີງ. ໃນ​ບາງ​ກໍ​ລະ​ນີ, ອາດ​ມີ​ການ​ເຊື່ອມ​ຕໍ່​ຢູ່​ໃນ​ຂໍ້​ຄວາມ​ຫຼັກ ຊຶ່ງ​ຈະ​ສາ​ມາດ​ສັງ​ເກດ​ໄດ້​ໂດຍ​ການ​ເປັນ​ຂໍ້​ຄວາມ​ທີ່​ມີ​ຂີດ​ກ້ອງ ແລະ​ເມື່ອ​ໃຊ້​ໜູ​ເລື່ອນ​ໄປ​ເຕັງ​ຂໍ້​ຄວາມ​ດັ່ງ​ກ່າວ, ຈະ​ມີ​ຮູບ​ສັນ​ຍາ​ລັກ "ມື​ຊີ້" ປາ​ກົດ​ຂື້ນ​ມາ.
   ບໍ່​ສະ​ຫງວນ​ລິ​ຂະ​ສິດ​ໃດໆ​ທັງ​ສີ້ນ​, ສິງ​ຫາ 2003  
ຕົ້ນສະບັບຂອງຮູບພື້ນ ແມ່ນມາຈາກ http://www.jacekphoto.com/laos/vientiane_mekong_sunset_2.jpg (sunset.jpg)