Make your own free website on Tripod.com
ຍິນ​ດີ​ຕ້ອນ​ຮັບ​ສູ່​ເວັບ​ພາ​ສາ​ລາວ​
| ກັບ​ຄືນ​ ເວັບ​ໜ້າ​ທໍາອິດ | ລະ​ບົບ ແລະ​ຊອບ​ແວ​ທີ່​ໃຊ້ | ການ​ສ້າງ Folder/Directory | ການ​ນໍາ​ເອົາ​ຮູບ​ພາບ​ເຂົ້າ​ໃສ່​ໜ້າ​ເວັບການ​ສ້າງ​ແຖບ​ຫົວ​ຂໍ້​/ເມ​ນູ ການ​ສ້າງ​ການ​ເຊື່ອມ​ຕໍ່ |
  ບໍ່ມີ​ໃຜ​ຈະ​ຢູ່​ຄໍ້າ​ຟ້າ​, ມີ​ພຽງ​ຄຸນ​ງາມ​ຄວາມ​ດີ​ເທົ່າ​ນັ້ນ ທີ່​​ຄົນ​ລຸ້ນ​ຫຼັງ​ຈະ​ຈາ​ລຶກ​ໄວ້​ຕະ​ຫຼອດ​ໄປ.
  ການ​ເມືອງ ​ມັກ​ຖືກ​ໃຊ້​ໄປ​ໃນ​ທາງ​ທີ່​ຜິດ​ຄື​: ໃຊ້​ເປັນ​ເຄື່ອງ​ມື​ເພື່ອ​ຮັກ​ສາ​ອໍາ​ນາດ ຂອງ​ຜູ້​ທີ່​ຄອບ​ຄອງ​ອໍານາດ ຫຼື​ຖືກ​ໃຊ້​ເປັນ​ເຄື່ອງ​ມື​ເພື່ອ​ຢຶດ​ເອົາ​ອໍາ​ນາດ ຂອງ​ຜູ້​ທີ່​ສະ​ແຫ​ວງ​ຫາ​ອໍາ​ນາດ.
   ຜົນ​ຈາກ​ການ​ໃຊ້​ການ​ເມືອງ ​ໄປ​ໃນ​ທາງ​ທີ່​ຜິດ​ ເຮັດ​ໃຫ້​ບຸກ​ຄົນ ທີ່​ບໍ່​ມີ​ສ່ວນ​ກ່ຽວ​ຂ້ອງ​ໄດ້​ຮັບ​ຄວາມ​ເຈັບ​ແສບ ຍ້ອນ​ກາຍ​ເປັນ​ເສັ້ນ​ທາງ​ໃຫ້​ບຸກ​ຄົນ​ອື່ນ​ ຢຽບ​ຍໍ່າ​ເພື່ອ​ກ້າວ​ໄປ​ສູ່​ອໍາ​ນາດ.
  ມີ​ໃຜ​ຮູ້​ແດ່​ບໍ່​ວ່າ​, ໜ້າ​ທີ່​ແທ້​ຈິງ​ຂອງ​ການ​ເມືອງ​ຄື ເຮັດ​ໃຫ້​ຄົນ​ຮູ້​ຈັກ​ສິດ ແລະ​ໜ້າ​ທີ່​ຂອງ​ຕົນ​ໃນ​ສັງ​ຄົມ​ ໃນ​ຖາ​ນະ​ທີ່​ເປັນ​ສ່ວນ​ປະກອບ​ໜຶ່ງ​ຂອງ​ສັງ​ຄົມ.
  ຖ້າ​ຄຶດ​ວ່າ​ສິ່ງ​ທີ່​ກໍາ​ລັງ​ເຮັດ​ ແມ່ນ​ເພື່ອ​ຜົນ​ປະ​ໂຫຍດ​ຂອງ​ຄົນ​ສ່ວນ​ໃຫຍ່​, ໃຫ້​ດໍາ​ເນີນ​ການ​ເຮັດ​ໄປ​ໂລດ ໂດຍ​ບໍ່​ຕ້ອງ​ສົນ​ໃຈ​ຄໍາ​ຄັດ​ຄ້ານ​ທ້ວງ​ຕິງ​ ຂອງ​ໃຜ; ແຕ່​ຕ້ອງ​ໃຈ​ກ້​ວາງ​ພໍ ທີ່​ຈະຍອມ​ຮັບ​ໃນ​ຜົນ​ທີ່​ຕາມ​ມາ ຊຶ່ງ​ອາດ​ຖືກ​ປະ​ນາມ​ກົ່ນ​ດ່າ​ວ່າ​ເປັນ​ທໍ​ລະ​ລາດ ຫຼື​ອາດ​ຖືກ​ຍ້ອງ​ຍໍ​ຊົມ​ເຊີຍ​ວ່າ​ເປັນ​ວິ​ລະ​ຊົນ.
  ຢ່າໄດ້​ຄຶດ​ພຽງ​ແຕ່​ເຂົ້າ​ຂ້າງ​ຕົນ​ເອງ​ວ່າ​ ບໍ່​ມີ​ເຮົາ​ຈັກ​ຄົນ​ໜຶ່ງ​, ບ້ານ​ນີ້​-ເມືອງ​ນີ້ ຈະ​ຕົກ​ຕໍ່າ​ລົງ​ໄປ​ ແຕ່​ໃຫ້​ລອງ​ຄຶດ​ກັບ​ປີ້ນ​ເບີ່ງ​ວ່າ ບໍ່​ມີ​ເຮົາ​ຈັກ​ຄົນ​ໜຶ່ງ​, ແຜ່ນ​ດິນ​ນີ້ ຈະ​ສູງ​ຂື້ນ​ຈັກ​ຂໍ້​ມື?
  ຊີວິດ​ເຮົາ​ແມ່ນ​ມີ​ຄຸນ​ຄ່າ​, ຢ່າ​ປ່ອຍ​ໃຫ້​ຕາຍ​ຖິ້ມ​ລ້າ ໃນ​ທ້ອງ​ຖະ​ໜົນ.
                                            

ການ​ນໍາ​ເອົາ​ຮູບ​ພາບ​ເຂົ້າ​ໃສ່​ໜ້າ​ເວັບ​

ຮູບ​ພາບ​ໃນ​ທີ່​ນີ້​ ໝາຍ​ເຖີງ​ວັດ​ຖຸ​ຕ່າງໆ​ທີ່​ປາ​ກົດ​ໃນ​ໜ້າ​ເວັບ ທີ່​ບໍ່​ແມ່ນ​ຕົວ​ໜັງ​ສື​ ຫຼຶ​ເສັ້ນ​ສ່ວນ​ປະກອບ​ຂອງ​ຕາ​ຕະ​ລາງ. ຮູບ​ພາບ​ບາງ​ອັນ​ອາດ​ເໝືອນ​ກັບ​ຕົວ​ໜັງ​ສື​ ເພາະ​ສ້າງ​ຂື້ນ​ມາ​ດ້ວຍ​ຕົວ​ໜັງ​ສື ແຕ່​ເປັນ​ຮູບ​ພາບ ເພາະ​ເຮົາ​ບໍ່​ສາ​ມາດ​ໃຊ້​ໜູ​ ເລືອກ​ເອົາ​ຂໍ້​ຄວາມ​ໃດ​ໜຶ່ງ​ທີ່​ຕ້ອງ​ການ​ໄດ້. ຮູບ​ພາບ​ຕ່າງໆ​ໃນ​ໜ້າ​ເວັບ​ໃດ​ໜຶ່ງ​ ອາດ​ຖືກ​ຈັດ​ແບ່ງ​ຕາມ​ລັກ​ສະ​ນະ​ການ​ນໍາ​ໃຊ້​ເປັນ 4 ປະ​ເພດ​ດັ່ງ​ຕໍ່​ໄປ​ນີ້​:
  1. ໃຊ້​ເປັນ​ພື້ນ​ຂອງ​ໜ້າ​ເວັບ​,
  2. ໃຊ້​ເປັນ​ພື້ນ​ບາງ​ສ່ວນ​ຂອງ​ໜ້າ​ເວັບ ໂດຍ​ສະ​ເພາະ​ໃນ​ຕາ​ໃດ​ຕາ​ໜຶ່ງ​ຂອງ​ຕາ​ຕະ​ລາງ​,
  3. ໃຊ້​ເປັນ​ການ​ເຊື່ອມ​ຕໍ່ ແທນ​ຕົວ​ໜັງ​ສື​,
  4. ໃຊ້​ເປັນ​ພາບ​ປະກອບ​ຂອງ​ໜ້າ​ເວັບ.
    ສໍາ​ລັບ​ຮູບ​ພາບ​ປະ​ເພດ​ທີ​ 3 ອາດ​ເປັນ​ຮູບ​ພາບ​ນິ້ງ ຫຼື​ຮູບ​ພາບ​ທີ່​ປ່ຽນ​ລັກ​ສະ​ນະ​/ສີ​ສັນ​ ເມື່ອ​ໃຊ້​ໜູ​ໄປ​ວາງ​ໃສ່​ຮູບ​ພາບ​ນັ້ນ ຊຶ່ງ​ຂື້ນ​ກັບ​ຜູ້​ສ້າງ​ເວັບ​ໄຊ​ຈະ​ກໍາ​ນົດ​ຂື້ນ. ສ່ວນ​ຮູບ​ພາບ​ປະ​ເພດ​ທີ 4 ອາດ​ເປັນ​ພາບ​ນິ້ງ ຫຼື​ພາບ​ທີ່​ໝູນ​ວຽນ​ປ່ຽນ​ພາບ​ ຫຼື​ອາດ​ເປັນ​ໜັງ (ຮູບ​ເງົາ​) ສັ້ນໆ​, ຊຶ່ງ​ແລ້ວ​ແຕ່​ຜູ້​ສ້າງ​ເວັບ​ໄຊ​ຈະ​ນໍາ​ມາ​ໃຊ້.
    ຮູບ​ພາບ​ທີ່​ນໍາ​ມາ​ໃຊ້​ໃນ​ໜ້າ​ເວັບ​, ສ່ວນ​ໃຫຍ່​ແລ້ວ​ຈະ​ເປັນ​ໄຟລ໌​ປະ​ເພດ gif (Graphics Interchange Format) ຫຼື jpg (jpeg -​Joint Photo Expert Group) ຊຶ່ງ​ມີ​ຄວາມ​ສາ​ມາດ​ບີບ​ອັດ​ໃນ​ໂຕ ເຮັດ​ໃຫ້​ເປັນ​ໄຟລ໌​ທີ່​ມີ​ຂະ​ໜາດ​ບໍ່​ໃຫຍ່. ໄຟລ໌​ປະ​ເພດ gif ແມ່ນ​ນິ​ຍົມ​ໃຊ້​ສໍາ​ລັບ​ຮູບ​ພາບ​ທົ່​ວໆ​ໄປ​ທີ່​ມີ​ການ​ໃຊ້​ໂທນ​ສີ (Tone -ໝາຍ​ເຖີງ​ລະ​ດັບ​ສີ​ທີ່​ແຕກ​ຕ່າງ​ກັນ​)   ທີ່​ບໍ່​ເກີນ 256 ສີ. ສໍາ​ລັບ​ພາບ​ຖ່າຍ​, ເພີ່ນ​ນິ​ຍົມ​ໃຊ້​ໄຟລ໌​ປະ​ເພດ jpg ທີ່​ສາ​ມາດ​ໃຫ້​ໂທນ​ສີ​ບໍ່​ຕໍ່າ​ກ່ວາ 16 ລ້ານ​ສີ.
    ການ​ບີບ​ອັດ​ຮູບ​ພາບ​ເພື່ອ​ໃຫ້​ໄຟລ໌​ມີ​ຂະ​ໜາດ​ນ້ອຍ​ລົງ​ຊຶ່ງ​ມີ​ຜົນ​ໃຫ້​ ການ​ສະ​ແດງ​ພາບ​ໃນ​ໜ້າ​ຈໍ​ໄວ​ຂື້ນ​ ແມ່ນ​ເປັນ​ສິ່ງ​ທີ່​ຜູ້​ສ້າງ​ເວັບ​ໄຊ​ມັກ​ໃຊ້; ແຕ່​ການ​ບີບ​ອັດ​ຈົນ​ເກີນ​ໄປ​ ຈະ​ເຮັດ​ໃຫ້​ຮູບ​ພາບ​ທີ່​ໄດ້​ມີ​ຄຸນ​ນະ​ພາບ​ຕໍ່າ. ຜູ້​ສ້າງ​ເວັບ​ໄຊ​ມື​ໃໝ່​ຈໍານວນ​ໜຶ່ງ​ ທີ່​ໃຊ້​ຮູບ​ພາບ​ທີ່​ມີ​ຂະ​ໜາດ​ຕົວ​ຈິງ​ໃຫຍ່​ເກີນ​ກ່ວາ​ທີ່​ຕ້ອງ​ການ​ນໍາ​ມາ ​ສະ​ແດງ​ໃນ​ໜ້າ​ເວັບ​ ກໍ່​ຈະ​ສົ່ງ​ຜົນ​ເຮັດ​ໃຫ້​ການ​ສະ​ແດງ​ຮູບ​ພາບ​ນັ້ນ ເສຍ​ເວ​ລາ​ເພີ່ມ​ຂື້ນ​ໂດຍ​ບໍ່​ຈໍາ​ເປັນ: ການ​ຫ​ຍໍ້​ຮູບ​ພາບ​ໃຫ້​ນ້ອຍ​ລົງ​ໃນ​ໜ້າ​ເວັບ ໂດຍ​ທີ່​ໄຟລ໌​ຮູບ​ພາບ​ມີ​ຂະ​ໜາດ​ຄົງ​ເດີມ​ ບໍ່​ໄດ້​ຊ່ອຍ​ໃຫ້​ຮູບ​ພາບ​ປາ​ກົດ​ຢູ່​ໜ້າ​ຈໍ​ໄວ​ຂື້ນ​ແຕ່​ປະ​ການ​ໃດ.
                                                                                 
   ບໍ່​ສະ​ຫງວນ​ລິ​ຂະ​ສິດ​ໃດໆ​ທັງ​ສີ້ນ​, ສິງ​ຫາ 2003  
ຕົ້ນສະບັບຂອງຮູບພື້ນ ແມ່ນມາຈາກ http://naha.cool.ne.jp/globalwalker/image/photo/la/la_p_vte_thatluang_00-05.jpg (thatluang2.jpg))