Make your own free website on Tripod.com
ຍິນ​ດີ​ຕ້ອນ​ຮັບ​ສູ່​ເວັບ​ພາ​ສາ​ລາວ​
| ກັບ​ຄືນ​ ເວັບ​ໜ້າ​ທໍາອິດ | ລະ​ບົບ ແລະ​ຊອບ​ແວ​ທີ່​ໃຊ້ | ການ​ສ້າງ Folder/Directory | ການ​ນໍາ​ເອົາ​ຮູບ​ພາບ​ເຂົ້າ​ໃສ່​ໜ້າ​ເວັບການ​ສ້າງ​ແຖບ​ຫົວ​ຂໍ້​/ເມ​ນູການ​ສ້າງ​ການ​ເຊື່ອມ​ຕໍ່ |
  ບໍ່ມີ​ໃຜ​ຈະ​ຢູ່​ຄໍ້າ​ຟ້າ​, ມີ​ພຽງ​ຄຸນ​ງາມ​ຄວາມ​ດີ​ເທົ່າ​ນັ້ນ ທີ່​​ຄົນ​ລຸ້ນ​ຫຼັງ​ຈະ​ຈາ​ລຶກ​ໄວ້​ຕະ​ຫຼອດ​ໄປ.
  ການ​ເມືອງ​ມັກ​ຖືກ​ໃຊ້​ໄປ​ໃນ​ທາງ​ທີ່​ຜິດ​ຄື​: ໃຊ້​ເປັນ​ເຄື່ອງ​ມື​ເພື່ອ​ຮັກ​ສາ​ອໍາ​ນາດ ຂອງ​ຜູ້​ທີ່​ຄອບ​ຄອງ​ອໍານາດ ຫຼື​ຖືກ​ໃຊ້​ເປັນ​ເຄື່ອງ​ມື​ເພື່ອ​ຢຶດ​ເອົາ​ອໍາ​ນາດ ຂອງ​ຜູ້​ທີ່​ສະ​ແຫ​ວງ​ຫາ​ອໍາ​ນາດ.
   ຜົນ​ຈາກ​ການ​ ໃຊ້​ການ​ເມືອງ​ໄປ​ໃນ​ທາງ​ທີ່​ຜິດ​ ເຮັດ​ໃຫ້​ບຸກ​ຄົນ ທີ່​ບໍ່​ມີ​ສ່ວນ​ກ່ຽວ​ຂ້ອງ​ໄດ້​ຮັບ​ຄວາມ​ເຈັບ​ແສບ ຍ້ອນ​ກາຍ​ເປັນ​ເສັ້ນ​ທາງ​ໃຫ້​ບຸກ​ຄົນ​ອື່ນ​ ຢຽບ​ຍໍ່າ​ເພື່ອ​ກ້າວ​ໄປ​ສູ່​ອໍາ​ນາດ.
  ມີ​ໃຜ​ຮູ້​ແດ່​ບໍ່​ວ່າ​, ໜ້າ​ທີ່​ແທ້​ຈິງ​ຂອງ​ການ​ເມືອງ​ຄື ເຮັດ​ໃຫ້​ຄົນ​ຮູ້​ຈັກ​ສິດ ແລະ​ໜ້າ​ທີ່​ຂອງ​ຕົນ​ໃນ​ສັງ​ຄົມ​ ໃນ​ຖາ​ນະ​ທີ່​ເປັນ​ສ່ວນ​ປະກອບ​ໜຶ່ງ​ຂອງ​ສັງ​ຄົມ.
  ຖ້າ​ຄຶດ​ວ່າ​ສິ່ງ​ທີ່​ກໍາ​ລັງ​ເຮັດ​ ແມ່ນ​ເພື່ອ​ຜົນ​ປະ​ໂຫຍດ​ຂອງ​ຄົນ​ສ່ວນ​ໃຫຍ່​, ໃຫ້​ດໍາ​ເນີນ​ການ​ເຮັດ​ໄປ​ໂລດ ໂດຍ​ບໍ່​ຕ້ອງ​ສົນ​ໃຈ​ຄໍາ​ຄັດ​ຄ້ານ​ທ້ວງ​ຕິງ​ ຂອງ​ໃຜ; ແຕ່​ຕ້ອງ​ໃຈ​ກ້​ວາງ​ພໍ ທີ່​ຈະຍອມ​ຮັບ​ໃນ​ຜົນ​ທີ່​ຕາມ​ມາ ຊຶ່ງ​ອາດ​ຖືກ​ປະ​ນາມ​ກົ່ນ​ດ່າ​ວ່າ​ເປັນ​ທໍ​ລະ​ລາດ ຫຼື​ອາດ​ຖືກ​ຍ້ອງ​ຍໍ​ຊົມ​ເຊີຍ​ວ່າ​ເປັນ​ວິ​ລະ​ຊົນ.
  ຢ່າໄດ້​ຄຶດ​ພຽງ​ແຕ່​ເຂົ້າ​ຂ້າງ​ຕົນ​ເອງ​ວ່າ​ ບໍ່​ມີ​ເຮົາ​ຈັກ​ຄົນ​ໜຶ່ງ​, ບ້ານ​ນີ້​-ເມືອງ​ນີ້ ຈະ​ຕົກ​ຕໍ່າ​ລົງ​ໄປ​ ແຕ່​ໃຫ້​ລອງ​ຄຶດ​ກັບ​ປີ້ນ​ເບີ່ງ​ວ່າ ບໍ່​ມີ​ເຮົາ​ຈັກ​ຄົນ​ໜຶ່ງ​, ແຜ່ນ​ດິນ​ນີ້ ຈະ​ສູງ​ຂື້ນ​ຈັກ​ຂໍ້​ມື?
  ຊີວິດ​ເຮົາ​ແມ່ນ​ມີ​ຄຸນ​ຄ່າ​, ຢ່າ​ປ່ອຍ​ໃຫ້​ຕາຍ​ຖິ້ມ​ລ້າ ໃນ​ທ້ອງ​ຖະ​ໜົນ.

ການ​ສ້າງ​ແຖບ​ຫົວ​ຂັ້ວນ​/ເມ​ນູ​ຂອງ​ໜ້າ​ເວັບ​

    ໜ້າ​ເວັບ​ທົ່​ວໆ​ໄປ​ ຈະ​ມີ​ຫົວ​ຂັ້ວນ​ທີ່​ຢູ່​ດ້ານ​ເທີງ​ສຸດ​ຂອງ​ຈໍ. ຕົວ​ຂອງ​ຫົວ​ຂັ້ວນ​ເອງ​ ຈະ​ປະກອບ​ດ້ວຍ 2 ພາກ​ສ່ວນ​ຄື​: ແຖວ​ທໍາ​ອິດ​ຈະ​ຖືກ​ໃຊ້​ເຂົ້າ​ໃນ​ການ​ສະ​ແດງ​ຫົວ​ຂໍ້​ຂອງ​ໜ້າ​ເວັບ - ແຖວ​ນີ້​ແມ່ນ​ຖືກ​ເອີ້ນ​ວ່າ ແຖບ​ຫົວ​ຂໍ້; ສ່ວນ​ແຖວ​ທີ​ສອງ ຈະ​ໃຊ້​ເປັນ​ເມ​ນູ​ ຫຼື​ຂໍ້​ຄວາມ​ທີ່​ເປັນ​ຕົວ​ແທນ​ໃຫ້​ແກ່​ການ​ເຊື່ອມ​ຕໍ່​ໄປ​ຫາ​ໜ້າ​ເວັບ​ ອື່ນໆ - ແຖວ​ນີ້​ແມ່ນ​ຖືກ​ເອີ້ນ​ວ່າ ແຖບ​ເມ​ນູ.
    ສ່ວນ​ຕໍ່​ມາ​ຂອງ​ໜ້າ​ເວັບ​ທົ່​ວໆ​ໄປ ແມ່ນ​ພາກ​ສ່ວນ​ເນື້ອ​ໃນ​ ຊຶ່​ງກ​ວມ​ເອົາ​ເນື້ອ​ທີ່​ສ່ວນ​ໃຫຍ່​ຂອງ​ໜ້າ​ເວັບ ແລະ​ຈະ​ປະກອບ​ດ້ວຍ​ຂໍ້​ຄວາມ ແລະ​ຮູບ​ພາບ.
    ສ່ວນ​ສຸດ​ທ້າຍ​ຂອງ​ໜ້າ​ເວັບ ແມ່ນ​ເອີ້ນ​ວ່າ ຕີນ​ເວັບ​ ທີ່​ມີ​ທີ່​ຕັ້ງ​ຢູ່​ລຸ່ມ​ສຸດ​ຂອງ​ໜ້າ​ເວັບ; ໃຊ້​ເພື່ອ​ນໍາ​ສະ​ເໜີ​ຂໍ້​ມູນ​ເພີ່ມ​ເຕີມ​ບາງ​ປະ​ການ ເຊັ່ນ​ ຂໍ້​ມູນ​ກ່ຽວ​ກັບ​ອົງກອນ​ທີ່​ເປັນ​ເຈົ້າ​ຂອງ​ເວັບ​ໄຊ​, ການ​ສະ​ຫງວນ​ລິ​ຂະ​ສິດ​, ປີ​ທີ່​ສ້າງ​ເວັບ​ໄຊ ແລະ​ອື່ນໆ...
    ສະ​ຫຼຸບ​ແລ້ວ​, ສ່ວນ​ປະກອບ​ຂອງ​ເວັບ​ໄຊ​ທົ່​ວໆ​ໄປ​ ຫຼື​ເວັບ​ໄຊ​ຕົ້ນ​ແບບ ແມ່ນ​ປະກອບ​ມີ​ຄື​:
  1. ຫົວ​ຂັ້ວນ (ແຖບ​ຫົວ​ຂໍ້ + ແຖບ​ເມ​ນູ​)
  2. ເນື້ອ​ໃນ (ຂໍ້​ຄວາມ + ຮູບ​ພາບ​)
  3. ຕີນ​ເວັບ (ຂໍ້​ມູນ​ເພິ່ມ​)
    ໃນ​ພາກ​ປະ​ຕິ​ບັດ​ຕົວ​ຈິງ​, ຜູ້​ສ້າງ​ເວັບ​ໄຊ​ໜ້ອຍ​ຄົນ​ ຈະ​ຄໍາ​ນຶງ​ເຖີງ​ຫຼັກ​ການ​ທີ່​ສະ​ເໜີ​ຢູ່​ຂ້າງ​ເທີງ​: ການ​ສ້າງ​ເວັບ​ໄຊ​ ໄດ້​ຫຼຸດ​ພົ້ນ​ຈາກ​ກອບ​-ຫຼັກ​ເກນ​ຕ່າງໆ ເພາະ​ມັນ​ໄດ້​ກາຍ​ມາ​ເປັນ​ຕົວ​ຂອງ​ມັນ​ເອງ​ ແລະ​ເປັນ​ຕົວ​ຊີ້​ປະ​ເພດ​ໜຶ່ງ​ຂອງ​ກະ​ແສ​ສັງ​ຄົມ​, ຂອງ​ກຸ່ມ​ຄົນ​ ຫຼື​ຊັ້ນ​ຄົນ​ໃດ​ໜຶ່ງ​ໂດຍ​ສະ​ເພາະ. ດັ່ງ​ນັ້ນ​, ເວັບ​ໄຊ​ຕ່າງໆ ຈຶ່ງ​ມີ​ຄວາມ​ຫຼາກ​ຫຼາຍ​, ບໍ່​ວ່າ​ຈະ​ແມ່ນ​ທາງ​ດ້ານ​ຮູບ​ຮ່າງ​-ສີ​ສັນ​, ດ້ານ​ເນື້ອ​ຫາ​ສາ​ລະ​  ແລະ​ການ​ນໍາ​ສະ​ເໜີ​ ຕະ​ຫຼອດ​ຮອດ​ກຸ່ມ​ເປົ້າ​ໝາຍ​ທີ່​ເວັບ​ໄຊ​ນັ້ນໆ​ເລັງ​ໃສ່​ໃຫ້​ການ​ບໍ​ລິ​ການ.




  ບໍ່​ສະ​ຫງວນ​ລິ​ຂະ​ສິດ​ໃດໆ​ທັງ​ສີ້ນ​, ສິງ​ຫາ 2003
ຕົ້ນສະບັບຂອງຮູບພື້ນ ແມ່ນມາຈາກ http://www.atwtravel.net/img/laos/phapeng_falls.jpg (phapeng_falls.jpg)