Make your own free website on Tripod.com
ຍິນ​ດີ​ຕ້ອນ​ຮັບ​ສູ່​ເວັບ​ພາ​ສາ​ລາວ​
| ກັບ​ຄືນ​ ເວັບ​ໜ້າ​ທໍາອິດ | ລະ​ບົບ ແລະ​ຊອບ​ແວ​ທີ່​ໃຊ້ | ການ​ສ້າງ Folder/Directory | ການ​ນໍາ​ເອົາ​ຮູບ​ພາບ​ເຂົ້າ​ໃສ່​ໜ້າ​ເວັບການ​ສ້າງ​ແຖບຫົວ​ຂໍ້​/ເມ​ນູ ການ​ສ້າງ​ການ​ເຊື່ອມ​ຕໍ່ |
  ບໍ່ມີ​ໃຜ​ຈະ​ຢູ່​ຄໍ້າ​ຟ້າ​, ມີ​ພຽງ​ຄຸນ​ງາມ​ຄວາມ​ດີ​ເທົ່າ​ນັ້ນ ທີ່​​ຄົນ​ລຸ້ນ​ຫຼັງ​ຈະ​ຈາ​ລຶກ​ໄວ້​ຕະ​ຫຼອດ​ໄປ.
  ການ​ເມືອງ ​ມັກ​ຖືກ​ໃຊ້​ໄປ​ໃນ​ທາງ​ທີ່​ຜິດ​ຄື​: ໃຊ້​ເປັນ​ເຄື່ອງ​ມື​ເພື່ອ​ຮັກ​ສາ​ອໍາ​ນາດ ຂອງ​ຜູ້​ທີ່​ຄອບ​ຄອງ​ອໍານາດ ຫຼື​ຖືກ​ໃຊ້​ເປັນ​ເຄື່ອງ​ມື​ເພື່ອ​ຢຶດ​ເອົາ​ອໍາ​ນາດ ຂອງ​ຜູ້​ທີ່​ສະ​ແຫ​ວງ​ຫາ​ອໍາ​ນາດ.
   ຜົນ​ຈາກ​ການ​ໃຊ້​ການ​ເມືອງ ​ໄປ​ໃນ​ທາງ​ທີ່​ຜິດ​ ເຮັດ​ໃຫ້​ບຸກ​ຄົນ ທີ່​ບໍ່​ມີ​ສ່ວນ​ກ່ຽວ​ຂ້ອງ ​ໄດ້​ຮັບ​ຄວາມ​ເຈັບ​ແສບ ຍ້ອນ​ກາຍ​ເປັນ​ເສັ້ນ​ທາງ​ໃຫ້​ບຸກ​ຄົນ​ອື່ນ​ ຢຽບ​ຍໍ່າ​ເພື່ອ​ກ້າວ​ໄປ​ສູ່​ອໍາ​ນາດ.
  ມີ​ໃຜ​ຮູ້​ແດ່​ບໍ່​ວ່າ​, ໜ້າ​ທີ່​ແທ້​ຈິງ​ຂອງ​ການ​ເມືອງ​ຄື ເຮັດ​ໃຫ້​ຄົນ​ຮູ້​ຈັກ​ສິດ ແລະ​ໜ້າ​ທີ່​ຂອງ​ຕົນ​ໃນ​ສັງ​ຄົມ​ ໃນ​ຖາ​ນະ​ທີ່​ເປັນ​ສ່ວນ​ປະກອບ​ໜຶ່ງ​ຂອງ​ສັງ​ຄົມ.
  ຖ້າ​ຄຶດ​ວ່າ​ສິ່ງ​ທີ່​ກໍາ​ລັງ​ເຮັດ​ ແມ່ນ​ເພື່ອ​ຜົນ​ປະ​ໂຫຍດ​ ຂອງ​ຄົນ​ສ່ວນ​ໃຫຍ່​, ໃຫ້​ດໍາ​ເນີນ​ການ​ເຮັດ​ໄປ​ໂລດ ໂດຍ​ບໍ່​ຕ້ອງ​ສົນ​ໃຈ​ຄໍາ​ຄັດ​ຄ້ານ​ທ້ວງ​ຕິງ​ ຂອງ​ໃຜ; ແຕ່​ຕ້ອງ​ໃຈ​ກ້​ວາງ​ພໍ ທີ່​ຈະຍອມ​ຮັບ​ໃນ​ຜົນ​ທີ່​ຕາມ​ມາ ຊຶ່ງ​ອາດ​ຖືກ​ປະ​ນາມ​ກົ່ນ​ດ່າ​ວ່າ​ເປັນ​ທໍ​ລະ​ລາດ ຫຼື​ອາດ​ຖືກ​ຍ້ອງ​ຍໍ​ຊົມ​ເຊີຍ​ວ່າ​ເປັນ​ວິ​ລະ​ຊົນ.
  ຢ່າໄດ້​ຄຶດ​ພຽງ​ແຕ່ ​ເຂົ້າ​ຂ້າງ​ຕົນ​ເອງ​ວ່າ​ ບໍ່​ມີ​ເຮົາ​ຈັກ​ຄົນ​ໜຶ່ງ​, ບ້ານ​ນີ້​-ເມືອງ​ນີ້ ຈະ​ຕົກ​ຕໍ່າ​ລົງ​ໄປ​ ແຕ່​ໃຫ້​ລອງ​ຄຶດ​ກັບ​ປີ້ນ​ເບີ່ງ​ວ່າ ບໍ່​ມີ​ເຮົາ​ຈັກ​ຄົນ​ໜຶ່ງ​, ແຜ່ນ​ດິນ​ນີ້ ຈະ​ສູງ​ຂື້ນ​ຈັກ​ຂໍ້​ມື?
  ຊີວິດ​ເຮົາ​ແມ່ນ​ມີ​ຄຸນ​ຄ່າ​, ຢ່າ​ປ່ອຍ​ໃຫ້​ຕາຍ​ຖິ້ມ​ລ້າ ໃນ​ທ້ອງ​ຖະ​ ໜົນ.                 

ການ​ສ້າງ Folder/Directory ເພື່ອ​ໃຊ້​ເກັບ​ມ້ຽນ​ໜ້າ​ເວັບ​

ໂດຍ​ໃຊ້​ການ​ປຽບ​ທຽບ​ແບບ​ງ່າຍໆ​, ຮາດ​ດິ​ສ​ກ໌ (Hard Disk) ຂອງ​ຄອມ​ພິວ​ເຕີ​ ຊຶ່ງ​ຖືກ​ໃຊ້​ເຂົ້າ​ໃນ​ການ​ເກັບ​ຮັກ​ສາ​ລະ​ບົບ​ປະ​ຕິ​ບັດ​ການ​, ໂປຣ​ແກຣມ​ນໍາ​ໃຊ້​ ແລະ​ໄຟລ໌​ຕ່າງໆ​ນັ້ນ ປຽບ​ສະ​ເໝືອນ​ເປັນ​ຕູ້​ເອ​ກະ​ສານ​ໃຫ​ຍ່ໆ​ອັນ​ໜຶ່ງ. ຕູ້​ໃຫ​ຍ່ໆ​ນີ້​ ອາດ​ເປັນ​ຕູ້​ແຝດ 2 ຫຼື 3... ຊຶ່ງ​ແລ້ວ​ແຕ່​ກໍ​ລະ​ນີ (ໝາຍ​ຄວາມ​ວ່າ ມີ​ຮາດ​ດິ​ສ​ກ໌ C ແລະ D ຫຼື​ມີ​ເຄື່ອງ​ອ່ານ CD-ROM ຕື່ມ ອາດ​ເພີ່ມ​ເປັນ E...). ເມື່ອ​ເປີດ​ຕູ້​ເອ​ກະ​ສານ​ໃຫຍ່ ຕູ້​ໃດ​ຕູ້​ໜຶ່ງ​, ເຮົາ​ອາດ​ຈະ​ເຫັນ​ວ່າ​ ໃນ​ຕູ້​ມີ​ຫຼາຍໆ​ລີ້ນ​ຊັກ. ໃນ​ແຕ່​ລະ​ລິ້ນ​ຊັກ​, ອາດ​ມີ​ທັງ​ເອ​ກະ​ສານ​ຈໍານວນ​ໜຶ່ງ​ ແລະ​ລິ້ນ​ຊັກຍ່ອຍ​ຈໍານວນ​ໜຶ່ງ. ເອ​ກະ​ສານ​ຕ່າງໆ ໝາຍ​ເຖີງ ໄຟລ໌​ຕ່າງໆ​ ຊຶ່ງ​ອາດ​ຈະ​ເປັນ​ໂປຣ​ແກຣມ​, ເປັນ​ຮູບ​ພາບ​, ເປັນ​ເອ​ກະ​ສານ​ຂໍ້​ຄວາມ ແລະ​ອື່ນໆ. ການ​ມີ​ເອ​ກະ​ສານ ໃນ​ຕູ້​ເອ​ກະ​ສານ ເຖີງ 1 ໝື່ນ ຫຼື 1 ແສນ ເອ​ກະ​ສານ​ ຍ່ອມ​ເປັນ​ເລື່ອງ​ທໍາ​ມະ​ດາ; ແຕ່​ຖ້າ​ຈະ​ໃຫ້​ຊອກ​ຫາ​ເອ​ກະ​ສານ​ໃດ​ໜຶ່ງ ໃນ 1 ໝື່ນ ຫຼື 1 ແສນ ເອ​ກະ​ສານ​ເຫຼົ່າ​ນີ້​ ຍ່ອມ​ເປັນ​ສິ່ງ​ທີ່​ໜ້າ​ເຈັບ​ຫົວ ຖ້າ​ເຮົາ​ບໍ່​ຮູ້​ວ່າ​ມັນ​ໄດ້​ຖືກ​ເກັບ​ໄວ້​ໃນ​ລິ້ນ​ຊັກ​ໃດ​, ລິ້ນ​ຊັກຍ່ອຍ​ໃດ ຫຼື​ບໍ່​ຮູ້​ກະ​ທັ້ງ​ວ່າ ເອ​ກະ​ສານ​ນີ້​ມີ​ຊື່​ວ່າ​ຫ​ຍັງ​, ຫຼື​ສ່ວນ​ປະກອບ​ຂອງ​ຊື່​ມີ​ຫ​ຍັງ​ແດ່ ຫຼື​ຖືກ​ສ້າງ​ຂື້ນ​ເມື່ອ​ໃດ​ ຫຼື​ເປັນ​ເອ​ກະ​ສານ​ປະ​ເພດ​ໃດ. ທັງ​ໝົດ​ເຫຼົ່າ​ນີ້ ແມ່ນ​ບັນ​ຫາ​ທີ່​ອາດ​ເກີດ​ມີ​ຂື້ນ​ ກໍ​ລະ​ນີ​ທີ່ ບໍ່​ໄດ້​ມີ​ການ​ຄໍາ​ນຶງ​ເຖີງ​ຄວາມ​ສໍາ​ຄັນ​ໃນ​ການ​ຈັດ​ມ້ຽນ​ ຫຼື​ເກັບ​ຮັກ​ສາ​ເອ​ກະ​ສານ​ຕ່າງໆ.
    ສໍາ​ລັບ​ກໍ​ລະ​ນີ​ຂອງ​ພວກ​ເຮົາ​ ທີ່​ມີ​ແຜນ​ຈະ​ເອົາ​ໜ້າ​ເວັບ​ຕ່າງໆ​ທີ່​ສ້າງ​ຂື້ນ​ ໄປ​ຝາກ​ໄວ້​ນໍາ​ຜູ້​ໃຫ້​ບໍ​ລິ​ການ​ເນື້ອ​ທີ່​ຝາກ​ເວັບ​ໄຊ​ຟຣີ ທີ່​ຢູ່​ໃນ​ອິນ​ເຕີ​ເນັດ​, ຍິ່ງ​ຕ້ອງ​ໄດ້​ຄໍາ​ນຶງ​ຕໍ່​ກັບ​ໄຟລ໌​ຕ່າງໆ​ທີ່​ເຮົາ​ຈະ​ສົ່ງ​ຂື້ນ​ໄປ​ ຕ້ອງ​ມີ​ລັກ​ສະ​ນະ​ການ​ຈັດ​ມ້ຽນ​ແບບ​ດຽວ​ກັນ​ຄື​ດັ່ງ​ທີ່​ເຮົາ​ຈັດ​ມ້ຽນ​ໄວ້ ​ໃນ​ Folder/Directory ທີ່​ເຮົາ​ໄດ້​ເຊັບ​ມ້ຽນ​ໜ້າ​ເວັບ. ເວົ້າ​ອີກ​ຢ່າງ​ໜຶ່ງ​, ເອ​ກະ​ສານ​ທີ່​ຈະ​ສົ່ງ​ຂື້ນ​ໄປ​ໄວ້​ເທີງ​ອິນ​ເຕີ​ເນັດ ຕ້ອງ​ຄື​ກັບ​ທີ່​ມີ​ໃນ C:\mylaoweb\, ໝາຍ​ຄວາມ​ວ່າ ໄຟລ໌​ຕ່າງໆ​ທີ່​ມີ​ການ​ເອີ້ນ​ໃຊ້ ບໍ່​ວ່າ​ຈະ​ເປັນ​ໜ້າ​ເວັບ​, ຮູບ​ພາບ​ ຫຼື​ໄຟລ໌​ທີ່​ເຮົາ​ຕ້ອງ​ການ​ໃຫ້​ດາງ​ໂຫຼດ ຕ້ອງ​ຢູ່​ໃນ C:\mylaoweb\ ຫຼື​ໃນ Folder/Directory ຍ່ອຍ​ຂອງ C:\mylaoweb\.
    ກ່ອນ​ໜ້າ​ນີ້​, ເຮົາ​ໄດ້​ສ້າງ C:\mylaoweb\ ເພື່ອ​ໃຊ້​ໄວ້​ເກັບ​ໜ້າ​ເວັບ. ເຮົາ​ຈະ​ໃຊ້ C:\mylaoweb\ ໄວ້​ສະ​ເພາະ​ເກັບ​ຮັກ​ສາ​ໜ້າ​ເວັບ​ເທົ່າ​ນັ້ນ. ສໍາ​ລັບ​ສ່ວນ​ປະກອບ​ຂອງ​ໜ້າ​ເວັບ​ທີ່​ເປັນ​ຮູບ​ພາບ​, ເຮົາ​ຈະ​ສ້າງ ລິ້ນ​ຊັກຍ່ອຍ​ (Subfolder/Subdirectory) ທີ່​ຢູ່​ໃນ C:\mylaoweb\, ໂດຍ​ຕັ້ງ​ຊື່​ໃຫ້​ວ່າ picture (ໝາຍ​ຄວາມ​ວ່າ​ເຮົາ​ຈະ​ມີ C:\mylaoweb\picture\) ແລະ​ສ້າງ​ລິ້ນ​ຊັກຍ່ອຍ​ໄວ້​ເກັບ​ໄຟລ໌​ທີ່​ຈະ​ໃຫ້​ຜູ້​ເຂົ້າ​ມາ​ຢ້ຽມ​ຊົມ​ດາວ ​ໂຫຼດ​ໄປ​ໃຊ້​ ທີ່​ຊື່​ວ່າ download (ໝາຍ​ຄວາມ ​ວ່າ​ເຮົາ​ຈະ​ມີ​ C:\mylaoweb\download\). ລິ້ນ​ຊັກຍ່ອຍ​ທັງ​ສອງ​ທີ່​ເຮົາ​ສ້າງ​ຂື້ນ​ມາ​ໃໝ່​ນີ້ ລ້ວນ​ແຕ່​ຢູ່​ໃນ​  C:\mylaoweb\ ແຕ່​ຍັງ​ເປັນ​ລິ້ນ​ຊັກ​ເປົ່າ. ເຮົາ​ຈະ​ທໍາ​ການ​ດາວ​ໂຫຼດ​ຮູບ​ມາ​ຈາກ​ອິນ​ເຕີ​ເນັດ ຈັກ 5 ຮູບ​ ມາ​ໄວ້​ໃນ C:\mylaoweb\picture\  (ໂດຍ​ໃຫ້​ເຂົ້າ​ໄປ​ໃນ​ http://www.google.com; ໃນ​ປ່ອງ Search ໃຫ້​ພິມ​ຄໍາ​ວ່າ thatluang ຫຼື​ vientiane. ເຮົາ​ຈະ​ໃຊ້​ຮູບ​ເຫຼົ່າ​ນີ້​ມາ​ເປັນ​ພື້ນ​ຂອງ​ໜ້າ​ເວັບ​, ດັ່ງ​ນັ້ນ​ ຈຶ່ງ​ຈໍາ​ເປັນ​ຕ້ອງ​ປັບ​ຮູບ​ໃຫ້​ຈາງ​ລົງ ແລະ​ປັບ​ຂະ​ໜາດ​ໃຫ້​ເປັນ 800x600 ໂດຍ​ໃຊ້​ໂປຣ​ແກຣມ​ Photo Editor). ສ່ວນ C:\mylaoweb\download\, ເຮົາ​ຈະ​ປ່ອຍ​ໃຫ້​ເປົ່າ​ໄວ້​ກ່ອນ​, ຫຼັງ​ຈາກ​ສ້າງ​ໜ້າ​ເວັບ​ທັງ​ໝົດ​ສໍາ​ເລັດ​ແລ້ວ​, ເຮົາ​ຈະ​ບີບ​ອັດ​ເວັບ​ໄຊ​ຂອງ​ເຮົາ​ເປັນ​ໄຟລ໌​ປະ​ເພດ zip ເພື່ອ​ໃຫ້​ຜູ້​ທີ່​ສົນ​ໃຈ​ດາວ​ໂຫຼດ​ໄປ​ສຶກ​ສາ.
   
   ບໍ່​ສະ​ຫງວນ​ລິ​ຂະ​ສິດ​ໃດໆ​ທັງ​ສີ້ນ​, ສິງ​ຫາ 2003  
ຕົ້ນສະບັບຂອງຮູບພື້ນ ແມ່ນມາຈາກ http://www.berclo.info/photos94/94la01.jpg (patouxay1.jpg)